மயிலை திருவாசகப் பேரவை-Tamilnadu Brahmin Association சேவை மனப்பான்மையுடன் இணைந்து நடத்தும் 19 ம் ஆண்டு கைலாஷ்-மானஸரோவர், முக்திநாத் மற்றும் ராமாயண யாத்திரைகள் - 2018

கைலாஷ்-மானஸரோவர் மற்றும் முக்திநாத் யாத்திரைகள்

 

வாழ்க்கையில் ஒருமுறையேனும் கயிலையில் சிவபெருமானையும் பார்வதி தேவியையும் நேரில் தரிசித்து இறையருளால் பேரின்ப நிலை அடையவும், மற்றும் முக்திநாத்தில் ஸ்ரீ சாளக்கிராம முக்திநாராயணனை தரிசிக்கவும், புனிதத்துவம் வாய்ந்த கைலாஷ்-முக்திநாத் தரிசனத்தில் எழுச்சி மிக்க அபரிதமான சக்தியை நீங்கள் உணரவும் ஓர் அரிய வாய்ப்பு!

அனைத்தையும் குணமளிக்கும் சக்தி நிறைந்த மானஸரோவர் தடாகத்தில் புனித நீராடவும், மேக்னடிக் வேவ்ஸ் மற்றும் பிரபஞ்ச ஆற்றல் மிக்க பாசிடிவ் காஸ்மிக் எனர்ஜியை திருக்கயிலையில் பெறவும், சிவபெருமான் பார்வதிதேவியோடும், முப்பத்து முக்கோடி தேவர்களோடும் குடிகொண்டிருக்கும் திருக்கயிலையை நேரில் கண்டு தரிசிக்கவும், பொன்னார்மேனியனை (சுயம்பு லிங்கம்) தரிசனம் செய்யவும், மேலும் முக்திநாத்தில் விஷ்ணுவின் திருமேனிகளில் ஒன்றான முக்திநாராயணனை தரிசிக்கவும், ஸ்ரீ ராமானுஜரின் 1001வது ஆண்டு ஜெயந்தி விழாவை முன்னிட்டு நடைபெறும் ‘ஓம் நமோ நாராயணாய’ நாம ஜப வேள்வி, ஹரி நாம ஸங்கீர்த்தனம் மற்றும் பக்தி உபன்யாசத்தில் கலந்துகொள்ளவும் நடைபெறும் இம்மாபெரும் புனிதப்பயணத்தை தாங்கள் மேற்கொள்ள இருப்பது குறித்து எல்லையில்லா மகிழ்ச்சியடைகிறோம்.

கயிலை முதல் குமரி வரை என்பது பாரதத்தில் வழங்கப்படும் பக்திப் பழமொழி. யுகங்கள் தோன்றுவதற்கு முன்பே வெண்மை பொலிவாச் சுடரும் மலை கயிலை! வெள்ளி வெற்பு! ரசதகிரி, திருநொடித்தான் மலை, கௌரி சங்கரம், சிவவடிவம் என நெஞ்சை அள்ளும் திருப்பெயர்கள் பெற்றது கயிலை மலை! திருமுறை அருளாளர்கள் உருகிப் போற்றும் இமயம் சார்ந்த சிகரம் கயிலை!

உலகின் மையப்பகுதியான கயிலையின் அமைப்போ பூகோள அளவிலும், கணிதவியல் அளவிலும் மிகக் கச்சிதமான, அற்புதமான வடிவமைப்பு, பிரபஞ்சத்தை மனிதனும் அந்த பிரபஞ்சமும் தொடர்பு கொள்ளும் அளவில் மிக நேர்த்தியாக வடிவமைக்கப்பட்டுள்ளது. மனித உடலில் உள்ள 108 சக்கரங்களை தானாகவே இயங்க வைக்க உதவுகிறது. இது முழு உயிரோட்டத்தில் இயங்கும் ஒரு மாபெரும் மனித உடலின் பிரதிபலிப்பு. இப்படி பிரபஞ்சத்துடன் தொடர்புக் கொள்ளக்கூடிய இடமாகவே சிவசக்தியால் உருவாக்கப்பட்டது. அதனால் தான் கயிலாயம் செல்வது யாத்திரைகளிலேயே மிகப் புண்ணியமான யாத்திரை என்று அழைக்கப்படுகிறது. நூறு பிறவிகள் எடுத்து பரமனையே பாடிப் பரவினாலும் கோடியில் ஒருவருக்குத்தான் திருக்கயிலை தரிசனம் கிடைக்கும்.

அன்னை வடிவாய் மானஸரோவரும், தந்தை வடிவாய் வெள்ளி வெற்பும், மைந்தன் வடிவாய் கந்தன் குன்றும் மாண்புற விளங்கும் சுந்தரமலை கயிலை! என் அப்பனே எனச் சிவனை காரைக்கால் அம்மையார் கனிவுடன் அழைத்த மலை திருக்கயிலை! இத்தகு பெருமையுடைய கயிலையை ஒலிதரு கயிலை உயர் கிழவோனே என மனம் உருகிப் பாடினார் மணிவாசகர். கயிலை நாதனையே காணலாமே என்றார் நாவரசர்! கயிலை வாசா! எங்கள் நேசா! என்கின்றனர் அடியார்கள்! சக்தியின் வடிவமான மானஸரோவரை விட புனிதம் வாய்ந்த இடம் இவ்வுலகில் இல்லை என்பதால்தான் மகாத்மா காந்தியின் அஸ்தி இங்கு கரைக்கப்பட்டது. இவ்வண்ணம் சிறக்கும் கயிலை தரிசனத்தை தங்கள் குடும்பத்தில் அனைவரும் காண வேண்டும் என்பதே எங்களது நோக்கம்.

யாத்திரையில் கலந்து கொள்ளும் அனைத்து அடியார்களும் கிரிவலத்திலும் கலந்து கொள்ள தேவையான அனைத்துவசதிகளும் செய்து தரப்படும்.
 
ராமாயணயாத்திரை

தமிழகத்திலேயே மிகக் குறைந்த கட்டணத்தில் ஸ்ரீராமபிரான் இலங்கையில் கால்பதித்த ஸ்தலம் முதல் ஸ்ரீ சீதாதேவி அக்னிப் பிரவேசம் செய்த புண்ணிய பூமி வரையிலான இராமாயண நிகழ்வுகளின் முக்கிய ஸ்தலங்களை நேரில் தரிசிக்கும் வாய்ப்பு!

ராமன் சீதையை பிரிவதற்குமுன் சென்று வழிபட்ட மனவாரி திருக்கோயில், ராவணனுக்கு எதிராக போரிட ராமனுடைய படைகள் வந்து தங்கிய இடமான ராம்போடா, இராவணம் சீதையை சிறை வைத்திருந்த சீதா எலிய (அசோகவனம்) மற்றும் ராவணனிடமிருந்து மீட்கப்பட்டபின் சீதை தன்னுடைய கண்ணியத்தை அக்னி பிரவேசத்தின் மூலம் நிருபித்த இடமான திவுரும்புலா ஆகிய புண்ணிய ஸ்தலங்களை நேரில் தரிசிப்பதன் மூலம் இராமயண நிகழ்வுகளை நாம் நேரில் கண்ட ஆன்மீக உணர்வு நம் உள்ளத்தில் எப்பொழுதும் எழுந்துகொண்டே இருக்கும்.

ஸ்ரீராமநாம ஜெப வேள்வியுடன் ஸ்ரீசுந்தரகாண்ட பாராயணம் செய்தவாறே இராமாயண ஸ்தலங்களை தரிசித்தல். மேலும் அடியார்கள் ஒருங்கிணைந்து நடத்தும் ஸ்ரீராமாயண உபன்யாசமும் வெகுவிமார்சையாக நடைபெறும்.

ராமாயணத்தில் முழுக்க முழுக்க அனுமனின் சிறப்பைச் சொல்லும் பகுதி சுந்தரகாண்டம். சுந்தரன் என்றால் ஆஞ்சநேயர்.
வைணவ சம்பிரதாயத்துடன் கூடிய இலங்கை இராமாயண யாத்திரையில் ஸ்ரீசுந்தரகாண்டம் பாராயணம் செய்வதால் தீராத வாழ்க்கைப் பிரச்சனைகளை எல்லாம் தீர்த்து வைக்கும், அதன் பாடல் ஒவ்வொன்றும் சர்வரோக நிவாரணி ஆகும்.

இராமாயண நிகழ்வுகளின் புண்ணிய ஸ்தலங்களை தரிசிக்கும்பொழுது அதன் சிறப்பு பற்றிய விளக்கஉரை அளிக்கப்படும். யாத்திரை முழுவதும் தமிழ் தெரிந்த இலங்கை யாத்திரை வழிகாட்டி நம்மோடு இருப்பார்.

திருக்கோயில்களில் நமது குழுவின் சார்பாக அபிஷேகம், சிறப்பு வழிபாடு மற்றும் அன்னதானம் நடைபெறும்.

ராமாயண யாத்திரையின் சிறப்பம்சங்கள்:

• இராமாயண யாத்திரை முழுவதும் தமிழ் தெரிந்த இலங்கை யாத்திரை வழிகாட்டி

• திருக்கோவில்களில் அபிஷேகம், சிறப்பு வழிபாடு, அன்னதானம்
• அடியார்களே ஒருங்கிணைந்து நடத்தும் ஸ்ரீராமாணய உபன்யாசம்
• யாத்திரை முழுவதும் குடும்ப உறுப்பினர்களுடன் பயணிப்பதுபோன்ற இறைஉணர்வு
• இராமாயண நிகழ்வுகளின் ஒவ்வொரு புண்ணிய ஸ்தலத்திலும் அதன் சிறப்பு பற்றிய விளக்கஉரை
• சுந்தரகாண்ட பாராயணம் தரும் ஆன்மீக உணர்வு
• நட்சத்திர தங்கும் விடுதிகள், சுவையான உணவு

பார்வையிடும் இடங்கள்:

முன்னேஸ்வரம் திருக்கோயில் | மானாவாரி திருக்கோயில் | திருக்கோணேஸ்வரம் திருக்கோயில் | ஸ்ரீ சங்கரி தேவி சக்தி பீடம் | கண்டி | பக்த அனுமன் திருக்கோயில் | ராம்போடா | சீதை அம்மன் திருக்கோவில் | திவுரும்புலா | கதிர்காமம் பெரிய கோவில் | கொழும்பு

ராமரும் சீதாதேவியும் நடந்த பாதைகளில் தாங்களும், தங்கள் குடும்பத்தினர் மற்றும் நண்பர்கள் அனைவரும் நடந்து அவர்களை தரிசித்து மெய்சிலிர்க்க வைக்கும் அனுபவங்களை பெற இலங்கை ராமாயண யாத்திரையில் கலந்து கொண்டு, ஸ்ரீராமர் மற்றும் சீதாதேவியின் அருளை முழுமையாக பெற அன்புடன் அழைக்கிறோம்.